काठमाडौं : रामेछापको सुनापती गाउँपालिकामा बस दुर्घटना हुँदा ११ जनाको मृत्यु भएको छ।  रामेछापबाट काठमाडौं आउँदै गरेको बा ३ ख ८३९६ नम्बरको बस दुर्घटना हुँदा कम्तिमा ११ जनाको मृत्यु भएको जिल्ला प्रहरी कार्यालय रामेछापका प्रहरी प्रमुख डिएसपी राजकुमार थिङले जानकारी दिनुभयो ।  

उहाँले भन्नुभयो , ‘घटनास्थलमा ९ जनाको मृत्यु भएको र उपचारका लागि लैजाँदै गर्दा बाटोमा २ जनाको मृत्यु भएको छ। २७ जना सवार बसमा एकजना बेपत्ता छन्।’

घाइतेलाई उपचारका लागि धुलिखेल अस्पताल पठाइएको उहाँले बताउनुभयो । घाइतेको अवस्था गम्भीर भएकाेले मृतककाे संख्या बढ्न सक्ने उहाँकाे भनाइ छ।