जन्मदिनको अवसरमा वाईसीएल अध्यक्षद्वारा शैक्षिक सामग्री वितरण
कमिरेचौरः वाईसीएल नेपाल बंगलाचुली गाउँपालिका अध्यक्ष तथा युवा नेता सुशील परियारले आफ्नो जन्मदिनको अवसरमा एक कार्यक्रमका बीच शैक्षिक सामाग्री वितरण गर्नुभएको छ । परियारले श्री सरस्वती प्राथमिक विद्यालय बचेनिमा शैक्षिक सामाग्री वितरण गर्नुभएको हो ।
परियार उक्त विद्यालयको विद्यालय व्यवस्थापन अध्यक्ष समेत रहनुभएको छ । विद्यालयमा अध्ययन गर्ने १ देखि ४ कक्षा सम्मका विद्यार्थीहरुलाई शैक्षिक सामग्री वितरण गरिएको हो । बालबालिकाले अध्ययनलाई निरन्तरता दिने र आर्थिक अभावको कारण कोहि पनि अध्ययनबाट बन्चित नहुने भन्दै सामग्री वितरण गरिएको उहाँले बताउनुभयो ।
विद्यालयका करिब ५० जनालाई शैक्षिक सामाग्री वितरण गरिएको छ । शैक्षिक सामाग्री अन्तर्गत विद्यार्थीलाई कापी कलम वितरण गरिएको छ । परियारले शुभकामना व्यक्त गर्नुहुने सम्पूर्णलाई धन्यवाद समेत दिनुभएको छ ।
प्रकाशित मिति: शुक्रबार, असार १७, २०७९ १९:०९
प्रतिक्रिया दिनुहोस्
थप समाचार
साताको लोकप्रीय
