दाङ:  दाङमा मोटरसाइकल दुर्घटना हुँदा एकजनाको मृत्यु भएको छ। बिहीबार बिहान करिब ४ बजेतिर घोराही–रामपुरस्थित सडकखण्डमा रा४प ७२११ नम्बरको मोटरसाइकल दुर्घटना हुँदा घोराही उपमहानगरपालिका २ का २७ वर्षीय गोविन्द रेग्मीको मृत्यु भएको प्रहरीले जनाएको छ।

घोराहीदेखि रामपुरतर्फ जाने क्रममा मोटरसाइकल अनियन्त्रित भई घोराही उपमहानगरपालिका ४ सुनपुरस्थित घरको रेलिङमा ठोक्किँदा दुर्घटना भएको जिल्ला ट्राफिक कार्यालय दाङका प्रमुख प्रहरी निरीक्षक झवीन्द्र परियारले जानकारी दिए।

दुर्घटनामा परी घाइते भएका  रेग्मीको  उपचारका क्रममा राप्ती स्वास्थ विज्ञान प्रतिष्ठानमा मृत्यु भएको हो। घटनाबारे थप अनुसन्धान भइरहेको प्रहरीले बताएको छ।