कमिरेचौरः दाङको बंगलाचुलीमा यहि जेठ २२ गतेदेखि २६ गतेसम्म आइ पि भी खोफ अभियान सुरु हुने भएको छ । खोप अभियानलाई सफल पार्नको लागि आज शिक्षक र खोप कार्यकर्ता सँग अभिमुखिकरण कार्यक्रम गरिएको छ । बंगलाचुली गाउँपालिकाका प्रवक्ता एवं बंगलाचुली अस्पताल व्यवस्थापन समितिका उपाध्यक्ष तथा वडा नम्बर ३ का अध्यक्ष शोभाराज विश्वकर्माको अध्यक्षतामा साविक काभ्रे गाविस भित्रको अभिमुखिकरण कार्यक्रम बंगलाचुली अस्पताल कमिरेचौरमा सम्पन्न भएको हो ।
जेठ १३ गतेदेखि आजसम्म दाङको तुलसीपुर उपमहानगरपालिका, शान्तिनगर, दङ्गीशरण र बबई गाउँपालिकामा खोप अभियान सञ्चालन भएको थियो ।बंगलाचुली सहित घोराही उपमहानगरपालिका, लमही नगरपालिका, राप्ती, गढवा र राजपुर गाउँपालिकामा यहि २२ गतेदेखि खोप सञ्चालन हुदैछ । ४ वटा विद्यालय र बंगलाचुली अस्पताल सहित अभियानको लागि ५ वटा खोप केन्द्र निर्धारण गरिएको छ । र जस अन्तर्गत २२ गते प्राथमिक विद्यालय फाँटा, २३ गते आधारभुत विद्यालय दाङबाङ, २४ गते महेन्द्र मावि श्रीवारी, २५ गते महेन्द्र आधारभुत विद्यालय तापा र बंगलाचुली अस्पताल कमिरेचौरमा खोप लगाइने बंगलाचुली अस्पतालका इन्चार्ज सुवास चन्द सेर्पाइलिले जानकारी दिनुभयो । पोलियोविरुद्ध २०७१ सालदेखि नेपालमा खोप लगाउन सुरु गरिए पनि २०७३ देखि २०७५ सालसम्म खोप उपलब्ध नभएकाले नेपालभरिका बालबालिका खोपबाट वञ्चित भएकाले खोप अभियान सञ्चालन गर्न लागिएको बताइएको छ । अन्य समयमा खोप लगाउन छुटेका पनि लगाउन सक्नेछन् । दाङमा ३७ हजार सात सय ५५ बालबालिकालाई पोलियो खोपविरुद्धको ‘आइपीभी’ खोप लगाइने
कार्यक्रममा बोल्दै गाउँपालिकाका प्रवक्ता एवं बंगलाचुली अस्पताल व्यवस्थापन समितिका उपाध्यक्ष तथा वडा नम्बर ३ का अध्यक्ष शोभाराज विश्वकर्माले खोप अभियान सफल पार्नको लागि स्वास्थ्यकर्मी र शिक्षकको भुमिका महत्वपुर्ण रहेको बताउदै खोप अभियान सफलताको शुभकामना दिनुभएको थियो ।
कार्यक्रममा बंगलाचुली अस्पतालका मेडिकल अधिकृत डाक्टर प्रकाश वली र डाक्टर पशुपति पोख्रेल लगायत विभिन्न विद्यालयका शिक्षक र स्वास्थ्य संस्थाका खोप कार्यकर्ताहरुको सहभागिता रहेको थियो ।
