माओवादी केन्द्रको प्रदेश इन्चार्ज हेरफेर, कुन प्रदेशको कसलाई जिम्मा ?
काठमाडौं - नेकपा माओवादी केन्द्रले प्रदेश इन्चार्जहरूको जिम्मेवारी हेरफेर गरेको छ । आज बसेको स्थायी समिति बैठकले सबै प्रदेशका इन्चार्जहरूको जिम्मेवारी हेरफेर गरेको हो ।
कोशीमा हरिबोल गजुरेल, मधेशमा लीलामणि पोखरेल, बागमतीमा अग्नि सापकोटा, गण्डकीमा दीनानाथ शर्मा, लुम्बिनीमा चन्द्रप्रकाश खनाल, कर्णालीमा कालीबहादुर मल्ल र सुदूरपश्चिममा गिरिराजमणि पोखरेललाई जिम्मेवारी तोकिएको छ ।
यस्तै, प्रवास अन्तर्गत मध्यपूर्व ब्यूरोको इन्चार्जमा पम्फा भुसाल, भारतमा मातृका यादव र युरोपमा राम कार्कीलाई जिम्मेवारी दिइएको छ । विशेष प्रदेशमा हितमान शाक्य र सम्पर्क समन्वय कमिटीमा देव गुरुङलाई जिम्मेवारी दिएको छ ।
पार्टी सचिव गणेश साहका अनुसार कार्यविभाजन आज बसेको बैठकले टुंग्याएको र बाँकी विषयमा छलफल गर्न भोली पनि बैठक बस्नेछ ।
प्रकाशित मिति: मंगलबार, फागुन १५, २०८० १४:४९
प्रतिक्रिया दिनुहोस्
थप समाचार
साताको लोकप्रीय
