घाराहीः घोराही उपमहानगरपालिका वडा नं. १७ ढीकपुरमा रहेको ड्याममा डुबेर सोही ठाउँकी ३० वर्षीया बिबा घर्तीको मृत्यु भएको जिल्ला प्रहरी कार्यालय दाङले जनाएको छ ।

आज बिहान पौने ९ बजे नुहाउन गएको समयमा चिप्लिएर ड्याममा डुबेर मृत्यु भएको डिएसपी मुकुन्द रिजालले जानकारी दिनुभयो । स्थानीय बासीले उहाँलाई डुबेको देखेपछि उद्धार गरेका थिए । तर घर्तीलाई ड्याम बाहिर ल्याउँदासम्म उहाँको मृत्यु भईसकेको प्रहरीले बताएको छ । अहिलेको उहाँको शव पोष्टमाटमका लागि राप्ती स्वास्थ्य विज्ञान प्रतिष्ठान घोराहीमा राखिएको छ ।