निर्वाचन आयोगले बोलायो आज सर्वदलिय वैठक, आयोग र राजनीतिक दलबीच छलफल हुदै
काठमाडौँ - निर्वाचन आयोगले आज सर्वदलिय वैठक बोलाएको छ । आयोगले जिल्ला निर्वाचन खारेजीलगायत विषयमा छलफल गर्न सर्वदलीय बैठक बोलाएको हो आयोगका प्रवक्ता शालिग्राम शर्मा पौडेलका अनुसार आज बिहान साढे ११ बजे बैठक बस्ने गरी राजनीतिक दलहरूलाई बोलाइएको छ ।
अर्थमन्त्री प्रकाशशरण महतले आर्थिक वर्ष २०८०–८१ को बजेट वक्तव्यमार्फत जिल्ला निर्वाचन कार्यालय खारेज गरे पछिको अवस्थाका बारेमा जानकारी गराउन निर्वाचन आयोगले राजनीतिक दलका नेताहरूलाई छलफलमा बोलाएको हो ।
निर्वाचन कानुनको विधेयक, स्थानीय तहसँगको सहकार्यमा मतदाता नामावली सङ्कलन गर्ने, विदेशमा रहेका नेपाली नागरिकको मतदाता नामावली सङ्कलन र राजनीतिक दलका लेखा परीक्षणको सम्बन्धलगायतका विषयमा पनि आज छलफल हुने प्रवक्ता पौडेलले जानकारी दिनुभयो ।
प्रकाशित मिति: शुक्रबार, जेठ २६, २०८० ०७:०२
प्रतिक्रिया दिनुहोस्
थप समाचार
साताको लोकप्रीय
